NASA-მ Voyager 2-თან კონუმიკაცია დაამყარა, რომელიც ჩვენგან 19 მილიარდი კილომეტრითაა დაშრებული
ამერიკის კოსმოსური სივრცისა და აერონავტიკის კვლევის ეროვნულმა სააგენტომ Voyager 2-თან კომუნიკაცია დაამყარა, რომელიც ჩვენგან 18,8 მილიარდი კილომეტრითაა დაშორებული. ხომალდს, რომელიც კოსმოსში 1977 წელს გაუშვეს, NASA-ს სპეციალისტები ავსტრალიაში მდებარე 70 მეტრი გარშემოწერილობის მქონე სატელიტური თეფშით დაუკავშირდნენ.
აქამდე ოპერატორებს უკუკავშირი არ შეეძლოთ და მხოლოდ ხომალდის მიერ გამოგზავნილ მონაცემებს იღებდნენ. Voyager 2-კენ სიგნალი ანტენის ტექნიკური განახლების შემდეგ გაუშვეს, რაც მიზნად ხელსაწყოს გამართულობის შემოწმებას ისახავდა. ამ პრობლემის აღმოსაფხვრელად ინჟინრებმა DSS43-ს დაუმონტაჟეს ორი ახალი გადამცემი და Voyager 2-თან კომუნიკაციის აღდგენა სცადეს. ზონდსა და ჩვენს შორის არსებული უდიდესი მანძილის გამო, მისგან წამოსულმა საპასუხო სიგნალმა დედამიწამდე მოაღწია 35 საათის შემდეგ.
DSS43-ის მსგავსი სატელიტური ანტენა დედამიწაზე კიდევ ორი არსებობს. ერთ-ერთი მათგანი აშშ-ში მოჰავეს უდაბნოშია განლაგებული, მეორე კი მადრიდში (ესპანეთი). ხელსაყრელი მდებარეობის გამო თითოელ მათგანს სხვადასხვა მიმართულებით კოსმოსში გაგზავნილ ხომალდებთან კომუნიკაციის დამყარება შეუძლია. Voyager 2-თან, რომელიც შორეული პლანეტების, ურანისა და ნეპტუნის სიახლოვეს მოძრაობს, მისგან ინფორმაციის მიღებასა და უკუკავშირს სწორედ ავტრალიის დედაქალაქ კანბერაში განთავსებული სატელიტური თეფში უზრუნველყოფს.
მომავალში განახლებული საკომუნიკაციო სისტემის გამოყენებას აშშ-ის კოსმოსური სააგენტოს წარმომადგენლები მთვარესა და მარსზე დაგეგმილი მისიების დროსაც აპირებენ. როგორც ვარაუდობენ, შესაძლებელია DSS43-მა მარსმავალ Perseverance-თანაც შეძლოს დაკავშირება, რომელიც წითელი პლანეტაზე 2021 წლის თებერვალში დაეშვება. ასევე სპეციალისტები ანტენის დახმარებით შეეცდებიან ინფორმაციის გაცვლას პროგრამა “არტემისში” მონაწილე ასტრონავტებთანაც, რომლებიც მთვარეზე 2024 წელს გეგმავენ გამგზავრებას.
