ავსტრალიაში აღმოაჩინეს ჯუჯა ოპუსტუმები, რომლებიც გადაშენებულად მიიჩნეოდა
დეკემბერი 10, 2020
ამ ჯუჯა ოპოსუმების წონა ზრდასრულ ასაკში 10 გრამს არ აღემატება. ისინი ავსტრალიაში მდებარე კუნძულ კენგურუზე ველური ბუნების დაცვის სამსახურის თანამშრომლებმა აღმოაჩინეს. აქამდე მიიჩნეოდა, რომ ისინი 2019-2020 წლებში გაჩენილი მასშტაბური ხანძრის შედეგად გადაშენდნენ, რადგან ცეცხლმა მათ საცხოვრებელი არეალი ფაქტიურად მთლიანად გაუნადგურა. ეს ამ ცხოველებთან შეხვედრის პირველი შემთხვევაა ხანძრის შემდგომ პერიოდში.
ჯერ კიდევ ბოლომდე ცნობილი არაა, თუ რა გავლენა მოახდინა ხანძარმა კუნძულის ეკოსისტემაზე. ასევე უცნობია როგორ იცხოვრებენ ცხოველები გარემოში, რომლის აღდგენასაც ალბათ ათეულობით წელი დასჭირდება. ჩანთოსანთა ეს სახეობა არც ისე გავრცელებულია და მისი აღმოჩენა საკმაოდ რთული იყო.
