ჯულიანა კოპკე: 17 წლის გოგონას დაუჯერებელი ისტორია

ეს არის ჯულიანა კოპკეს დაუჯერებელი ამბავი — 17 წლის გოგონასი, რომელიც თვითმფრინავის ავიაკატასტროფას გადაურჩა და 11 დღე მარტო იბრძოდა გადარჩენისთვის, ამაზონის გაუვალ ჯუნგლებში.
……………..
​1971 წლის 24 დეკემბერი-პერუ.
ჯულიანა დედასთან ერთად მიფრინავდა “LANSA 508″რეისით, რათა მამასთან ერთად შობა ეზეიმა. სადღესასწაულო მგზავრობა საშინელებად იქცა, როდესაც თვითმფრინავს მეხი დაეცა და 3000 მეტრის სიმაღლეზე ჰაერშივე დაიშალა.
………….
​ჯულიანა ჯუნგლების თავზე, სავარძელზე მიბმული,თავისუფალი ვარდნით ეშვებოდა. ხეების ხშირმა ვარჯმა დაცემა შეარბილა და ის სასწაულებრივად გადარჩა — 92 მგზავრიდან ერთადერთი გადარჩენილი აღმოჩნდა…
​ჯულიანას ლავიწის ძვალი ჰქონდა მოტეხილი, სხეული კი ღია ჭრილობებით სავსე.ყველაზე დიდი გამოწვევა კი წინ ელოდა: ამაზონის გაუვალი ჯუნგლები.
…………….
11-დღიანი ბრძოლა:
​მშობლებისგან (ბიოლოგები იყვნენ) ნასწავლი გაკვეთილების წყალობით, ჯულიანამ იცოდა მთავარი წესი: უნდა ეპოვა ნაკადული და მიჰყოლოდა მას, რადგან ის დიდ მდინარეში ჩაედინებოდა, სადაც ადამიანები იქნებოდნენ.
​11 დღის განმავლობაში, მშიერმა და დაუძლურებულმა გოგონამ იარა ნიანგებითა და პირანიებით სავსე წყლებში. სიცხისა და ნესტისგან მის ჭრილობებში ინფექცია განვითარდა და მის სიცოცხლეს საფრთხე მერამდენედ დაემუქრა, თუმცა ის არ გატყდა და გააგრძელა ბრძოლა გადარჩენისათვის!​
……………
​ბოლოს დაბოლოს, ჯულიანამ მდინარის სანაპიროს მიაღწია და იქ მიტოვებული ნავი და პატარა ქოხი იპოვა. ადგილზე ნაპოვნი ბენზინით მან ჭრილობები დაიმუშავა და პარაზიტები მოიშორა (მამისგან ნასწავლი მეთოდი).
​მეორე დღეს ქოხში მოსულმა ადგილობრივმა ტყისმჭრელებმა “მდინარის ქალღმერთივით” გამოჩენილი გოგონა დაინახეს და ის უსაფრთხოდ დააბრუნეს ცივილიზაციაში.
…………..
შემდეგი ცხოვრება:
ჯულიანა კოპკემ მოგვიანებით მშობლების კვალს გაჰყვა, ბიოლოგი გახდა და წიგნიც დაწერა იმ ადგილზე, სადაც ციდან ჩამოვარდა და ხელახლა დაიბადა.
​ეს არის სიმამაცისა და გადარჩენის მართლაც საოცარი მაგალითი, რომლის მიხედვითაც შემდგომში ფილმიც გადაიღეს.
•••••••••••••••
თქვენი აზრით, რა არის ყველაზე მნიშვნელოვანი გაკვეთილი ჯულიანას ისტორიიდან!?